"აი, ესაა ამათი "გამოხატვის თავისუფლება" და, როცა ჩვენც ავმაღლდებით ამ დასვლური ქცევის დონემდე და საკუთარ ცოლ-
შვილთან, ან ახლობლებთან ერთად შევძლებთ უყოყმანოდ ჩავიხადოთ მეტროში და ისე ვიმგზავროთ, აი, მაშინ კი "ევროკავშირშიც" მიგვიღებენ და "ნატოშიც"... ხოლო მანამდე ყველამ ნათლად უნდა გავიაზროთ ჩვენი მომავალი და კარგად მოვემზადოთ, რომ "მაღალგანვითარებულ" დასავლეთზე "ქაჯებისა" და "გოიმების" შთაბეჭდილება არ დავტოვოთ." - ასე ეხმიანება ენათმეცნიერი ლევან ღვინჯილია ნიუ იორკში, ლონდონში, მილანში, ბერლინში, მეხიკოსა და მსოფლიოს სხვა 60 დიდ ქალაქში ჩატარებულ აქციას სახელწოდებით “მეტროში შარვლის გარეშე”.

როგორც ცნობილია, ამ აქციაში ათასობით მგზავრმა მიიღო მონაწილეობა. აქციის აზრი მდგომარეობდა იმაში, რომ ყველა მგზავრს უნდა გაეხადა შარვალი და ამავე დროს ისეთი სახე მიეღო, რომ ეს ჩვეულებრივი ამბავია და არაფერი გასაკვირი არ ხდება. მგზავრობის დასრულებისთანავე ყველა აუცილებლად ნორმალურად ჩაცმული უნდა ყოფილიყო.