დაცული ტერიტორიების სააგენტოს უფროსის მოადგილე გიორგი სიგუა "ფეისბუქის" საკუთარ გვერდზე საკმაოდ ორაზროვან სტატუსს აქვეყნებს.

"18 წლის წინ გავიცანით ერთმანეთი... კი, იყო პერიოდები როცა არ ვნახულობდი. მაგრამ დიდხანს ვერ ვძლებდი მაინც და ყველაფერს ახლიდან ვიწყებდით. ყველაზე დიდხანს რვა თვით დავშორებულვართ. უმისოდ ვერ ვძლებდი, მაინც ვაკითხავდი. რამდენი რამე დამითმია, შეიძლება ითქვას გადამიყოლებია კიდეც მისთვის. ბევრჯერ ვყოფილვარ არჩევანის წინაშე, თითქმის ყოველთვის მის სასარგებლოდ ვაკეთებდი. დაუგეგმავი შეხვედრებიც ბევრი ყოფილა, მოულოდნელობებიც და სიურპრიზებიც ... არსდროს მითქვამს რომ საბოლოოდ დავშორდით ... ვიცოდი მაინც აღდგებოდა ურთიერთიბა ... ვიცოდი მის გარეშე ბევრ ღამეს გავათევდი, ავდგებოდი შუაღამისას და მივაკითხავდი, ბევრს ვფიქრობდი და ვიცნებობდი მასზე, მაშინაც კი როდესაც ახლოს იყო.... მიყვარდა?? არ ვიცი, ალბათ უფრო მიჩვევა იყო რაც იყო.... დღეს ასე მეჩვენება.... სამი დღეა არ მინახავს . მიჭირს მაგრამ ბედნიერი ვარ. ვიცი უნდა მორჩეს ყველაფერი, ჩვენს შორის ყველაფერი უნდა დამთავრდეს ერთხელ და სამუდამოდ. უნდა გავუძლო, დავივიწყო, ხაზი გადავუსვა 18 წელს, წავიდე და უკან არ მოვიხედო.. ვიცი, ამ ძნელბედობის ჟამს თქვენ დამეხმარებით და მის დავიწყებაში მომეხმარებით ...." - წერს გიორგი სიგუა.

არ ვიცი ვინ რა იფიქრა, მაგრამ, როგორც კომენტარებიდან ირკვევა, სტატუსი სავარაუდოდ, მოწევისადმი თავის დანებებას უნდა ეხებოდეს...