საზოგადოება უცნაური ქურდობა თბილისში-ოზურგეთელ გოგონას ნაწნავი მოპარეს 2014, 1 დეკემბერი, 9:28  რამდენადაც გასაოცარი არ უნდა იყოს, ეს ფაქტი რამდენიმე დღის წინ თბილისის სამარშრუტო ტაქსში მოხდა... ოზურგეთელი გოგონა სამგზავროდ ავიდა მიკროავტობუსში ნაწნავით და იქიდან მოჭრილი თმით ჩამოვიდა... ამის შესახებ კი მისი სკოლის პედაგოგისგან გახდა ცნობილი, რომელმაც ემოციები ვერ დამალა მომხდარის გამო და სოციალური ქსელის "ფეისბუქის" საკუთარ გვერდზე დაპოსტა. აი რას წერს ოზურგეთელი გოგნას მასწავლებელი, მაიკო ღლონტი: "რამე თუ გამაოცებდა, არ მეგონა, მაგრამ მოდი და ნუ გაოცდებით! წარმოგიდგენიათ? ჩემს მოსწავლეს სამარშრუტო ტაქსში მოჰპარეს, არც მეტი, არც ნაკლები, თმა... უბრალოდ, მოაჭრეს ნაწნავი და წაიღეს!!! ასეთი რამ გაგიგიათ?" 
აი რა კომენტარები მოყვა ამ სტატუსს:
"არ არსებობს... შეიძლება გაგიჟდე... აუ რა შოკი იქნებოდა დაზარებულისათვის?!"
"საინტერესოა თვითონ როდის აღმოაჩინა"...
"ეგ უხამსი ხუმრობა უფრო მგონია მე"...
"კიდევ კარგი, თავი რომ დაუტოვეს ადგილზე!"
"რა თქმა უნდა გასაკვირია, მაგრამ ისიც მიკვირს როგორ ვერ იგრძნო ბავშვმა, ისე როგორ მოაჭრეს თმა, წარმომიდგენია რა დღეში ჩავარდებოდა. მართლაც ვაიმე... კიდევ კარგი, კიდურებს არსად იბარებენ. რაც არ უნდა ღირდეს თმა, ასე ადამიანის "დაყაჩაღება" რა უბედურებაა, აზრად როგორ უნდა მოუვიდეთ ამგვარი რამ, საჯარო ტრანსპორტში თმები დამალეთ, გოგონებო!"
"დღეს არაფერია გასაოცარი, ხალხო...."
გოგონამ, მარიკო აკობიამ, რომელსაც ნაწნავი მოაჭრეს კომენტარი დატოვა მასწავლებლის პოსტზე:
 "რა საინტერესოა, როდესაც უცხო ადამიანების აზრს კითხულობ საკუთარ თავზე... მადლობა მაიკო მას ამ ბედნიერებისთვის, მიყვარხართ..."95 1-ს მოსწონს
|
  |
Intermedia.ge © 2011-2024 წელი
საავტორო უფლებები დაცულია
 |
