საქართველოს ნომერ პირველი " ლეიბორისტი" შალვა ნათელაშვილი სკანდალურ განცხადებას აკეთებს ქართულ პოლიტიკურ ელიტაში მიმდინარე პროცესებთან დაკავშირებით, კონკრეტულად კი ლეიბორისტული პარტიის თავმჯდომარე უახლოეს მომავალში პარლამენტის თავმჯდომარეს დავით უსუფაშვილს მიმართავს პარტიის სახელით, რათა მან გამოიყენოს თავისი უფლებამოსილება და საქართველოს კონსტიტუციის 53 - ე და 54 - ე მუხლების შესაბამისად ამ დეპუტატებზე საპარლამენტო უფლებამოსილების შეჩერებას მოითხოვს.

ამ სიაში საპარლამენტო როგორც უმრავლესობის, ასევე უმცირესობის დეპუტატები მოხვდნენ და არა მარტო ისინი. სიაში რაღა თქმა უნდა პარლამენტის დამოუკიდებელი
დეპუტატებიც არიან.ათკაციანი მილიონერი ქართველი

პარლამენტარების სია ასე გამოიყურება:

1) - ერთადერთი მილიარდელი დავით ბეჟუაშვილი:

2) - 800 მილიონით კობა ნაყოფია:

3) - გოგი თოფაძე და მისი 600 მილიონი;

4) - გოგი ლიპარტელიანი 500 მილიონი დოლარის მფლობელი:

5) - ვალერი გელაშვილი და 400 მილიონი:

6) - კახაბერ ოქრიაშვილი და 300 მილიონი:

7) - გოდერძი ბუკია 250 მილიონით:

8) - ზურაბ ტყემალაძე წარმოდგენილია სიაში 200 მილიონით:

9) - გოჩა ენუქიძეც ასევე სიაში 200 მილიონითაა წარმოდგენილი;

10) - ნაული ჯანაშია 10 კაციანი სიის ბოლოში მოექცა თავისი 100 მილიონით.

"ლეიბორისტული პარტიის" ლიდერი აცხადებს, რომ სიაში შეყვანილი 10 ქართველი დეპუტატი საპარლამენტო მოღვაწეობის გარდა პარალელურად კერძო საქმიანობასაც ეწევიან და როგორც კონსტიტუციის ზემოთჩამოთვლილი მუხლები ითვალისწინებს, ამ კატეგორიის დეპუტატებისთვის უფლებამოსილების ვადამდე შეწყვეტა, რამდენადაც ისინი ბიზნესს და სამეწარმეო საქმიანობას უთავსებენ სახელმწიფოებრივ საქმიანობას.