გასულ კვირას ჩატარებული დრაგის დროს დამყარდა ევროპის ახალი რეკორდი, რომელიც Nissan GT-R R35-მა დაამყარა. მან 1/4 მილი 8, 295 წმ-ში დაფარა და მაქსიმალური სიჩქარე 275 კმ/სთ-ის განვითარება შეძლო.

აღნიშნული ავტომობილის შემქმნელებმა, Exelixis Motorsport-მა და ZOD Development-მა დიდი შრომა გაწიეს, რათა ეს შედეგი მიეღოთ. ავტომობილის ძრავს 1766 ცხენისძალამდე სიმძლავრის გამომუშავება შეუძლია. შემქმნელების განცხადებით ჯერ სრული პოტენციალი გამოვლენილი არ არის და გეგმაში მსოფლიო რეკორდის გაუმჯობესებაა.

შეგახსენებთ, რომ კომპანია ETS-ის (Extreme Turbo Systems) მიერ შექმნილმა Nissan GT-R R35-მა მსოფლიო რეკორდი დაამყარა და 1/4 მილი 7, 80 წმ-ში დაფარა, რომლის დროსაც 293, 6 კმ/სთ სიჩქარე განავითარა.