"მთელი ცხოვრების განმავლობაში ჩემს სხეულს ვუხამებდი გარესამყაროს და ახლა შემიძლია განვაცხადო, რომ მე ისეთივე ვარ ამ სამყაროში, როგორც ყველა დანარჩენი..ნორმალური ადამიანი"

37 წლის ბრაზილიელი კლაუდიო ვიეირა დე ოლივეირა დაიბადა დიაგნოზით არტოგრიპოზი.

ეს გახლავთ ძვლოვან-კუნთოვანი სისტემის დაავადება, რომელიც ხასიათდება კიდურების დეფორმაციით, სახსრების და კუნთების განუვითარებლობით.აგრეთვე ფიბროზით.ამ დაავადების ყველაზე მძიმე ფორმა თითქმის მთლიანად არღვევს ყველა სახსრის მუშაობას.

ექიმებმა დაბადებისთანავე განუცხადეს მის დედას მარიას, რომ იგი დიდხანს ვერ იცოცხლებდა...თუმცა კლაუდიომ არა მარტო იცოცხლა, არამედ წარმატებით დაამთავრა სკოლა, შემდგომ ფეირა -დი-სანტანას სახელმწიფო უნივერსიტეტი ბუღალტერიის განხრით.

ამჟამად იმავე უნივერსიტეტში კლაუდიო ლექციებს ატარებს, რომელიც დიდი წარმატებით სარგებლობს.

მისი ხელ-ფეხი ძლიერ დეფორმირებულია, ხოლო თავი იმდენად უკან აქვს გადაწეული, რომ პრაქტიკულად ზურგს ადევს.

რადგანაც მისი თითები პრაქტიკულად არ მუშაობს, კლაუდიო პირში ჩადებული ავტოკალმით წერს.

ამავე მეთოდით მუშაობს კომპიუტერის მაუსზე და ტელეფონზე.მისთვის დაამზადეს სპეციალური მოწყობილობა, რომ შესძლოს ქალაქში გადაადგილება.

–ჩვენ არასდროს ვეპყრობოდით მას, ისე როგორც არასრულფასოვანს, -ამბობენ კლაუდიოს ოჯახის წევრები, - თუ უნდოდა მას ეკეთებინა ის, რასაც ყველა დანარჩენი ჩვეულებრივი ადამიანი აკეთებს, არასდროს ვუშლიდით...სწორედ ამიტომაც არის იგი დღესდღეობით ასეთი თავდაჯერებული..მას შეუძლია იმოძრაოს ქუჩაში, იმღეროს და იცეკვოს კიდეც"