"ქუინზ პარკ რეინჯერსის" მთავარი მწვრთნელი ჰარი რედნაპი, ლონდონურ კლუბთან ხელშეკრულებას ორი წლით გაახანგრძლივებს. აღნიშნული ინფორმაცია BBC-ის 67 წლის ინგლისელმა სპეციალისტმა თავად დაუდასტურა.
შეგახსენებთ, რომ რედნაპი ქპრ-ს თავკაცად 2012 წლის ნოემბერში დაინიშნა, თუმცა კრიტიკულ სიტუაციაში მყოფი გუნდი, პრემიერლიგიდან გავარდისგან ვერ იხსნა.
ჩემპიონშიფის 2013/14 წლების სეზონში ნაჩვენები შედეგებით, რედნაპმა "ქუინზ პარკ რეინჯერსი" პრემიერლიგაში დააბრუნა. მიმდინარე სეზონში ინგლისის ჩემპიონატში ლონდონურმა კლუბმა "ჰალისთან" და "ტოტენჰემთან" ორივე მატჩი მშრალად წააგო და ჯამში 5 გოლი გაუშვა.
გიორგი ბალახაძე
www.worldsport.ge