როგორც იცით, გუშინ რუსთავი 2-ის დამფუძნებელი და ყოფილი მფლობელი, ეროსი კიწმარიშვილი გარდაცვლილი იპოვნეს საკუთარ ავტოფარეხში. იქვე იყო იარაღი, რომლიდანაც სავარაუდოდ მოხდა გასროლა. ოფიციალური ვერსიის თანახმად ეს იყო თვითმკვლელობა, რასაც კატეგორიულად არ ეთანხმებიან გარდაცვლილის ახლო მეგობრები და ნაცნობები.

ამ ფაქტს სოციალური ქსელის "ფეისბუქის" საკუთარ გვერდზე გამოეხმაურა ჟურნალისტი ნანუკა ჟორჟოლიანიც, რომელმაც რამოდენიმე სტატუსი გამოაქვეყნა... ნანუკა ჟორჟოლიანს არ სჯერა ბატონი ეროსის თვითმკვლელობის.

"ძალიან ცუდი ამბავია! ამ დროს მნიშვნელობა არ აქვს წყენებს!!!! ეროსიმ ამ ქვეყანაში სხვებთან ერთად მაგარი გუნდი და მაგარი არხი შექმნა! მეწყინა!!!!
თან ძალიან!!!"

"ვინც ეროსის იცნობს ან იცნობდა ვერასოდეს დაიჯერებს თვითმკვლელობის ვერსიას. ძალიან საეჭვოა!"

"მახოვს ერთ-ერთი მთავარი პრობლემა ზურაბ ჟვანიას საქმეზე, პრესკონფერენციაზე ნაჩქარევად გაკეთებული განცხადება (მისი გაზით მოწამვლის შესახებ) იყო. ამჯერად მაინტერესებს, მომხდარიდან 5 წუთში, როგორ გაირკვა რომ თავი მოიკლა? ამ მუხლით რატომ აღიძრა საქმე?"

"რუსთავი 2-ის ყოფილი უფროსი და ერთ-ერთი მოწილე გოგი გეგეშიძე გულის შეტევით გარდაიცვალა, რამდენიმე თვეში მოკლული იპოვეს რუსთავი 2-ის ყოფილი მფლობელი და ერთ-ერთი დამაარსებელი ეროსი კიწმარიშვილი... არ მითხრათ რა კავშირი აქვს ამ ფაქტებსო. არ ვიცი! ფაქტებია ეს!

ძალიან მძიმე თან!"

ნანუკას სჯერა, რომ მის სახლთან არსებული ვიდეო კამერების საშუალებით შასაძლებელი გახდება სიმართლის დადგენა...

"სადაც ეროსი კიწმარიშვილი ცხოვრობს იქ ახლოს თურქეთის საელჩოა. ფაქტიურად მისი საცხოვრებელი კორპუსის გვერდით... შესაბამისად მის სახლთან ბევრი გარე კამერა უნდა იდგეს."