ამ დღეებში სოციალურ ქსელში მეტად მნიშვნელოვანი ამბავი გავრცელდა. გავრცელებული ინფორმაციით, ხარაგაულის მუნიციპალიტეტში გიგანტური ადამიანის ძვლებს ეძებენ. როგორც ამბობენ, საქართველოში "დისქავერის" 5-კაციანი ჯგუფი ჩამოვიდა. მათი მიზანია, ბორჯომ-ხარაგაულის ეროვნულ პარკში ურთულესი მონაკვეთის გავლა, ალპურ ზონაში ასვლა და ამ ყველაფრის გადაღება. ექსპედიცია უკვე დაიწყო.

სოციალურ ქსელში წერენ, რომ ამ ყველაფერს, 6 წლის წინ ბორჯომ-ხარაგაულის ეროვნულ პარკში ჩატარებული ქართველი სპეციალისტების ექსპედიციით ჩაეყარა საფუძველი, რომელსაც ასეთი ფაქტი უძღვოდა, აკრძალულ ზონაში, მწყემსებმა, გაუკვალავ გზაზე, ნახირის აყვანის შემდეგ, სამარხი აღმოაჩინეს, რომელშიც (სავარაუდოდ) გიგანტური ადამიანის ძვლების ფრაგმენტები დახვდათ. ამასთან, იქვე ნატაძრალიც იყო...

საინტერესოა, თუ როგორ ჩაივლის "დისქავერის" 5-კაციანი ჯგუფის ექსპედიცია ხარაგაულის მუნიციპალიტეტში.