გასულ კვირას ვწერდით, რომ ქუთაისში "გორის პარკში" მურა დათვი ცუდ პირობებში ბინადრობდა. ამ დღეებში, რკინის კონსტრუქციაში დატყვევებული დათვი გაათავისუფლეს და იგი თბილისში, ცხოველთა თავშესაფარში გადაიყვანეს.

როგორც ცნობილი ხდება, დასვენებისა და კულტურის პარკის დირექტორ კახა კუხიანიძის წინააღმდეგ საქმე აღიძრა.

"მინდა გითხრათ, რომ ჩემს წინააღმდეგ საქმე აღიძრა 85–ე მუხლის მესამე ნაწილით. სასამართლო გადაწყვეტს, თუ რამდენი ლარით დამაჯარიმებს დათვის არასათანადო–მოვლა პატრონობის გამო, "–განაცხადა კუხიანიძემ.