ქუთაისში მორიგი ხანძარი გაჩნდა. საფიჩხიის დასახლებაში, განათლების ქუჩაზე საცხოვრებელი სახლი იწვის. ამ წუთებში სახანძრო მანქანები ცეცხლის ლოკალიზებას ცდილობენ.

როგორც თვითმხილველები აცხადებენ, ხანძარი რამდენიმე წუთის წინ გაჩნდა და საბედნიეროდ მსხვერპლი არ არის.

სახანძრო-სამაშველო სამსახურში განაცხადეს, რომ ორი სახანძრო მანქანა ადგილზე იმყოფება და ყველანაირად ცდილობენ, რომ ცეცხლი ჩააქრონ.