ქუთაისში საახალწლო მზადება დაიწყო. პუშკინის სკვერში ნაძვის ხე მორთეს. ასევე, ამ დღეებში ქალაქის ცენტრში ნაძვის ხეს დადგამენ.

დაგეგმილია ქუთაისის ცენტრის და ცენტრალური უბნის საახალწლოდ მორთვა.

"ტენდერში გამარჯვებულ ორგანიზაციასთან მიმდინარეობს ხელშეკრულების გაფორმება. ტენდერი 52.000 ლარს შეადგენს. ამაში შედის 2014 წლის სამონტაჟო და 2015 წლის დემონტაჟის სამუშაოები. სავარაუდოდ, ქალაქში ორი ნაძვის ხე დამონტაჟდება, თუ მოვახერხეთ მესამესაც დავამონტაჟებთ. ხდება იმ საახალწლო აქსესუარების აღდგენა და მონტაჟი, რომელიც შარშან გვქონდა, "-განაცხადა ინფრასტრუქტურის განვითარების, კეთილმოწყობის, ტრანსპორტისა და დასუფთავების სამსახურის უფროსმა მალხაზ ბასილაძემ.