საქართველოს ეროვნულმა საფეხბურთო ნაკრებმა საუდის არაბეთთან მოსამზადებელი ეტაპი დაიწყო. ეროვნული გუნდი 23 მაისს, თბილისი-სტამბოლი-მალაგას რეისით ესპანეთში გაემგზავრა. ნაკრები ქალაქ კადისთან ახლოს, ბარსელოს სასტუმრო ჩოსტა Ballena Golf-ში დაბინავდა. პირველი ვარჯიში ნაკრებმა დღეს დილით ჩაატარა.
ამ დროისთვის, საქართველოს ნაკრები ესპანეთში 22-კაციანი შემადგენლობით იმყოფება. გუნდს ორი ფეხბურთელი მოგვიანებით შეუერთდება. ესპანეთში წასვლამდე, კიდევ რამდენიმე იძულებითი ცვლილება განხორციელდა. საბოლოო სია ამ დროისთვის ასე გამოიყურება:
მეკარეები: გიორგი ლორია („დინამო“ თბილისი), როინ კვასხვაძე („ტორპედო“, ქუთაისი) გიორგი ნადირაძე („სპარტაკი" ცხინვალი)
მცველები: უჩა ლობჟანიძე („დნიპრო“, უკრაინა), აკაკი ხუბუტია („მორდოვია“, რუსეთი), გურამ კაშია („ვიტესი“, ჰოლანდია), ლაშა სალუქვაძე („ინტერი“, აზერბაიჯანი), გია გრიგალავა („ანჟი“, რუსეთი), დავით კვირკველია („დინამო“ თბილისი), ლევან კაკუბავა („სპარტაკი“ ცხინვალი), სოლომონ კვერკველია („რუბინი“, რუსეთი), გიორგი ხიდეშელი („დინამო“ თბილისი)
ნახევარმცველები: ჯაბა კანკავა, ალექსანდრე კობახიძე (ორივე „დნიპრო“, უკრაინა), ირაკლი ძარია („დინამო“ თბილისი), მურთაზ დაუშვილი („კარპატი“, უკრაინა), თორნიკე ოქრიაშვილი („ჩერნომორეცი“, უკრაინა), ვალერი ყაზაიშვილი („ვიტესი“, ჰოლანდია), გიორგი პაპავა („დინამო" თბილისი), ლევან ხმალაძე („ჩიხურა", საჩხერე)
თავდამსხმელები: ნიკოლოზ გელაშვილი („ყარაბაღი“, აზერბაიჯანი), ბაჩანა ცხადაძე („ინტერი“, აზერბაიჯანი), ოთარ მარცვალაძე („დინამო“ თბილისი) ვლადიმერ დვალიშვილი ("ლეგია" ვარშავა)
სანდრო კობახიძემ ეროვნული ნაკრების პირველი ვარჯიში გამოტოვა და გუნდს ხვალ შეურთდება.
ვარშავის "ლეგიას" ქართველი ლეგიონერი ვლადიმერ დვალიშვილი 25 მაისს, პოლონეთის ჩემპიონატის მატჩს ჩაატარებს; ორშაბათიდან კი, ეროვნულ ნაკრებთან ერთად იქნება. საერთაშორისო ამხანაგური მატჩი საქართველოსა და საუდის არაბეთის ნაკრებებს შორის 29 მაისს ქალაქ ხერესში გაიმართება.

სფფ-ის პრესსამსახური

www.worldsport.ge