საბერძნეთში მოღვაწე 33 წლის ქართველი მომღერალი, თამთა გოდუაძე, თამამი და სექსუალური იმიჯით არის ცნობილი. მას საბერძნეთში მხოლოდ სახელით, თამთათი, მოიხსენიებენ და იქ დიდი პოპულარობით სარგებლობს.

უკვე 13 წლია, რაც თამთა საბერძნეთში იმყოფება და მას თავის მეორე სამშობლოდ მიიჩნევს.

ძალიან პატარა ასაკში, სულ რაღაც 14 წლის იყო თამთა, როცა დაორსულდა და შვილი გაუჩნდა. მარტოხელა დედა მატერიალური თვალსაზრისით გაემგზავრა საბერძნეთში სამუშაოდ. მაგრამ მას იქ გაუმართლა, სწორედ იმ დროს იმართებოდა მუსიკალური შოუ "სუპერ აიდოლი", რომელშიც თამთა გოდუაძემ მონაწილეობა მიიღო და მეორე ადგილიც დაიკავა. ამის შემდეგ დაიწყო მისი წარმატებები და დღეისთვის თამთა საბერძნეთში ერთ-ერთ პოპულარულ და ბერძნებისთვის ყველაზე საყვარელ მომღერლად ითვლება.

მისი ცხოვრება არ არის მოკლებული სკანდალებს.

ათენში გამართულ კონცერტზე, სადაც თამთა ბერძენ მომღერალ პაოლასთან ერთად დუეტში მღეროდა, მომღერლებმა ერთმანეთს ტუჩებში აკოცეს, რითიც ბერძნები გააოცეს და დაუვიწყარი სკანდალური შოუ შექმნეს.

როგორც იცით, თამთა გოდუაძე ახლა მუსიკალურ ტელეპროექტ "X ფაქტორის" ჟიურის წევრია. თავისი მომხიბვლელობით მან ქართველი თაყვანისმცემლებიც შეიძინა. კონკურსანტები თამთას სცენიდანაც კი ეფლირტავებიან.

თამთას უამრავი ალბომი აქვს გამოშვებული, აქვს სიმღერები და დუეტები ცნობილ პოპულარულ ბერძენ მომღერლებთან ერთად. სამწუხაროა, რომ იგი საქართველოში ნაკლები პოპულარობით სარგებლობს და ზოგიერთისთვის მხოლოდ ტელე შოუს ჟიურის წევრობის შემდეგ გახდა ცნობილი.

ახლა კი მინდა შემოგთავაზოთ თამთას პირადი ფოტოები მისი ინსტაგრამიდან: