ტელეწამყვანმა თამუნა მუსერიძემ სოციალური ქსელის "ფეისბუქის" საკუთარ გვერდზე ატვირთა თავის ნახევრად შიშველი ფოტო, სადაც შიშველ ტანზე ბინტებ შემოხვეულ თამუნას ორი მამაკაცი ახვევია გარს-მსახიობი დიმიტრი ტატიშვილი და მოდელი და დიზაინერი გიორგი ნაზღაიძე. ეს ფოტო ერთ-ერთი ფილმისთვის არის გადაღებული. თამუნა მუსერიძემ აღნიშნა, რომ ეს სურათი ფილმის ფოტოსესიისთვის იყო გადაღებული და მისთვის არ არის ჯერ კიდევ ცნობილი გავა თუ არა ფილმი, თუმცა მან ფილმის დასახელებისგან თავი შეიკავა. მისმა ფოტომ ხალხის არაერთგვაროვანი რეაქცია გამოიწვია, ზოგმა მას მახინჯი, გოიმი და ცელულიტიანი უწოდა, რამაც თამუნას გაღიზიანება გამოიწვია.

ქართველ საზოგადოებაზე ნერვებაშლილმა თამუნა მუსერიძემ ფოტო, რომელზეც თავისი საუკეთესო მეგობარი გიორგი ნაზღაიძე მონიშნა, ასე დაასათაურა:

"ისედაც ვიცი, რომ ჩემზე ლამაზები, განათლებულები, ჭკვიანები და პატიოსნები ხართ. ზემოთ ჩამოთვლ ფაქტებზე ყურადღების გამახვილება არ არის საჭირო. ამიტომ მე წავალ და თვითმკვლელობამდე ვივარჯიშებ, კიდევ უფრო მახინჯი გოიმი რომ გამოვჩნდე, თქვენ კიდევ საკუთარ ღიპებს და ცელულიტებს გაუფრთხილდით. თქვენ საყვარელ მამაკაცებს კიდევ უფრო რომ მოეწონოთ..."

ცოტა მოგვიანებით მუსერიძემ ჩვენთვის უცნობი ფილმის ფოტოსესიიდან მეორე ფოტოც ატვირთა, სადაც ჩანს რომ ფილმი პლასტიკურ ქირურგიას ეხება:

მეგობრების მხრიდან მისი ქება-დიდება გაისმოდა კომენტარებში, მაგრამ იყო საპირისპირო კომენტარიც:

"შენნაირი დადის უამრავი, მაგრამ ვის რაში აინტერესებს ცელულიტები გაქვს თუ არ გაქვს... ძალიან კარგი თუ არ გაქვს ღიპი, მაგრამ ჩაიცვი ჯობია. დარწმუნებული ვარ ტანსაცმელს იოლად იყიდი, იმიტომ რომ აგერ ცელულიტები და ღიპი არ გქონია"...