საზოგადოებისათვის ცნობილი სახეები მუდამ ყურადღების ცენტრში ტრიალებენ. ანუკი არეშიძე და კახა კალაძე ერთ-ერთი პოპულარული წყვილია.
კახი ფეხბურთელი, ბიზნესმენი და ახლა უკვე საქართველოს ენერგეტიკის მინისტრი გახლავთ და ამ ყველაფერმა ოჯახისადმი საზოგადოების ინტერესი გაამძაფრა. აქვე უნდა ავღნიშნოთ, რომ მეუღლეს პოპულარობით ანუკიც არ ჩამოუვარდება, ახალგაზრდა დიზაინერის სამოსი ქართველი მანდილოსნების მოწონებას იმსახურებს.

სოციალურ ქსელში ცოტა სკანდალური და ძალიან სასიხარულო ინფორმაცია გავრცელდა-წყვილი მეოთხე შვილს ელოდება. "მალე მეოთხე ანგელოზი მეყოლება"-წერს ანუკი სოციალურ ქსელში. თუმცა არავინ იცის, ანუკის ეკუთვნის თუ არა ეს გვერდი, ცნობილების სახელით ხომ ბევრი ადამიანი რეგისტრირდება. სამწუხაროდ ვერც ჩვენ და ვერც პრესის სხვა საშუალებები ამ ინფორმაციის გადამოწმებას ჯერ-ჯერობით ვერ ვახერხებთ.

წყვილს სულ რამდენიმე თვის წინ ვაჟი შეეძინა, რომელსაც ვაჩე დაარქვეს. პატარა ვაჩეს 2 უფროსი ძმა ჰყავს ლევანი და კახა. კახა კარგი მამა და ქმარია. როგორც წესი ანუკის მშობიარობას სულ ესწრება და შეძლებისდაგვარად ცდილობს ოჯახს მაქსიმალურად ბევრი დრო დაუთმოს. შეგახსენებთ, რომ წყვილმა ერთმანეთი წლების წინ იტალიაში გაიცნო. დამწყები მოდელი კახის ჩააბარეს, ყურადღება მიაქციეო... წყვილს შორის ასაკობრივი სხვაობა 11 წელია, თუმცა ამას მათი ურთიერთობისათვის ხელი არ შეუშლია.