შორენა ბეგაშვილი პოპულარული ტელეწამყვანი, მსახიობი და ფოტომოდელია. პოპულარული

ჟურნალ "ფლეიბოის" წყალობით გახდა. ეს მისი პირველი სკანდალი გახლდათ, რომელსაც გადაცემა "ღამე შორენასთან" მოჰყვა და მას შემდეგ მსახიობი ქართული საზოგადოების ყურადღების ცენტრშია. შორენას მტკიცებით, პოპულარობის მოპოვება მარტივია, თუმცა მისი შენარჩუნება თავდაუზოგავ შრომას მოითხოვს. მსახიობი 17 წლის ასაკში დაქორწინდა ბიზნესმენ დავით ბარბაქაძეზე. შორენას პირველი უიღბლო ქორწინებიდან ერთი ქალიშვილი ჰყავს. გოგონა დედის მესაიდუმლეა, ერთმანეთს არაფერს უმალავენ და ცხოვრებისეულ ჭირსაც და ლხინსაც იზიარებენ. შორენას თქმით, ევა ის ერთადერთი ადამიანია, ვინც მის ცხოვრებაში მუდმივად რჩება და ვისაც ყველაზე მეტად სჭირდება. შორენას შვილთან ურთიერთობისთვის ბევრი დრო არ რჩება, ყოველთვის ცდილობს თან ატაროს. სამწუხაროდ ევაზე მხოლოდ დედა ზრუნავს, მამასთანაც აქვს ურთიერთობა, მაგრამ იგი ფინანსურად დედა-შვილს არ ეხმარება. შორენას მტკიცებით ევა ძალიან თბილი და გულწრფელი ბავშვია, მე ძალიან მგავსო. მსახიობი ცდილობს ქალიშვილი გაანებივროს, მაგრამ გათავხედებული ბავშვები არ უყვარს, ამიტომ ცდილობს ზედმეტი არ მოუვიდეს. მისთვის ქალიშვილის ბედნიერება ყველაზე მნიშვნელოვანია და ცდილობს კარგი დედა იყოს. ევა თვალსა და ხელს შუა წამოიზარდა, პატარა ქერა გოგონა დღეს დედას სილამაზით ტოლს აღარ უდებს. ცოტა ხნის წინ, დედა-შვილის საერთო ფოტოები გავრცელდა. საზოგადოების დიდი ნაწილი ევას სილამაზით მოხიბლულია. ახლა კი გთავაზობთ ევა ბარბაქაძის ფოტოებს.