39 წლის არგენტინელი ქალი სონია პერეზ ლანზონი(Sonia Perez Llanzon) გარდაიცვალა მას შემდეგ, როცა მან გადაწყვიტა გაედიდებინა მკერდი თვითნებურად.

ქალმა სარძევლე ჯირკვლებში ინექციის საშუალებით შეიყვანა ვაზელინი.რამდენიმე კვირაში ფილტვებში განვითარდა თრომბი, რამაც გამოიწვია ფილტვების ემბოლია.

სონიამ მას შემდეგ მიაკითხა ჰოსპიტალს, როდესაც მას სუნთქვის პრობლემები დაეწყო.სიტუაციას ართულებდა ისიც რომ თავიდან ქალი უარყოფდა და მალავდა ნამდვილ მიზეზს.როდესაც ყველაფერი გაირკვა უკვე გვიანი იყო."ლუსი მოლას" ჰოსპიტალის მთავარი ექიმის ხულიო პლა კარდენასის განცხადებით მსგავსი რამ მას ცხოვრებაში არ უნახავს.

მედიკოსების განცხადებით, ადამიანის ორგანიზმი არაა მზად მიიღოს ისეთი სუბსტანცია, როგორიც ვაზელიანია.ამიტომ იმუნიტეტი ვერ ებძვის მას და არ შეუძლია გამოდევნოს ორგანიზმიდან.

ვაზელინი სისხლძარღვებში გადავიდა, რის შედეგადაც სისხლის დინებას შეუშალა ხელი და შედეგად განვითარდა თრომბი.

ქალი ერთი თვის შემდეგ გარდაიცვალა საავადმყოფოში, ექიმების ყველა ძალისხმევა უშედეგო გამოდგა, მით უმეტეს, რომ სონია ჯანმრთელი ქალი იყო და აქტიურად იყო დაკავებული სპორტით.