ინგრედიენტები:

ბანანი-2 ცალი

კარამელის სოუსი-100 გრამი

ათქვეფილი ნაღები-200 გრამი

კრემისათვის:

შაქარი-2/3 ჭიქა

სახამებელი-1/4 ჭიქა

რძე-3 ჭიქა

კვერცხი-2 ცალი

მარილი-დანის წვერით

კარაქი-2 სუფრის კოვზი

ვანილი-დანის წვერით

"პეჩენია" ან უმარილო კრეკერი-10 ცალი

მომზადება:

თავდაპირველად მოამზადეთ კრემი:

თასზე ათქვიფეთ კვერცხი კარგად, ცალკე ჯამში შეურიეთ სახამებელი, ვანილი, მარილი, ნელ-ნელა დაასხით რძე და თან დადგით ნელ ცეცხლზე. განუწყვეტლივ ურიეთ და ასე მიიყვანეთ ადუღებამდე. ეს კრემი ნელ-ნელა დაამატეთ თასზე ათქვეფილ კვერცხს და სულ ურიეთ, რომ არ აიჭრას. შემდეგ ეს კრემი კიდევ დადგით ცეცხლზე და 1-2 წუთი წამოადუღეთ.

გადმოდგით ცეცხლიდან და ცხელსვე დაუმატეთ ვანილი და კარაქი. მოურიეთ კარგად და დადგით გასაციებლად.

"პეჩენია" დაამტვრიეთ პატარა ნატეხებად და შემდეგ კარგად დაფხვენით. აურიეთ მასში 2 სუფრის კოვზი კარაქი და შაქარი. აზილეთ კარგად ეს მასა. გააბრტყელეთ თხელ ფირფიტად პერგამენტის ქაღალდზე და შედგით 170 გრადუსზე გაცხელებული ღუმელში 10 წუთით.

დაიწყეთ დესერტის აწყობა: ფუჟერებში ჩადეთ გაციებული "პეჩენიიას" მასა 2-3 სუფრის კოვზი და კარგად დატკეპნეთ. დაადეთ გაციებული კრემი-2 სუფრის კოვზი.

დააწყვეთ რგოლებად დაჭრილი ბანანი, შემდეგ დაადეთ ათქვეფილი ნაღები, მოასხით ცოტაოდენი კარამელის სოუსი და ისევ გაიმეორეთ თავიდან: ''პეჩენია"-კრემი-ბანანი-ათქვეფილი ნაღები-კარამელი.

ზემოდან მორთეთ ნაღებით და ბანანის ნაჭრებით და გადაასხით კარამელის სოუსი.

დადგით მაცივარში 2-3 საათით.

მიირთვით გემრიელად!