ეს არის ძალიან მარტივი და გემრიელი რეცეპტი. იგი ნაკლებად ჰგავს მაღაზიაში ნაყიდ, ჩვენთვის კარგად ცნობილ აღმოსავლურ ნუგბარს, მაგრამ გემოთი ნამდვილად არ ჩამოუვარდება. მას ძირითადად აჭარაში ამზადებენ.

ინგრედიენტები:

500 გ. სიმინდის თეთრი ფქვილი (შეიძლება ნახევარი სიმინდის, ნახევარი ხორბლის ფქვილი გამოიყენოთ).

250 გ. ნაღების კარაქი.

370 გ. შაქარი.

370 მლ. წყალი.

წმინდა საცერში გავცრათ ფქვილი. ტაფაზე დავდოთ კარაქი, დავაყაროთ ფქვილი და ვხალოთ სანამ ღია ყავისფერი არ გახდება.

მიღებულ მასას დავამატოთ ნახევარი შაქარი და კარგად ავურიოთ. დარჩენილი შაქრისგან გავაკეთოთ სიროფი: 370 მლ. მდუღარე წყალში ჩაყარეთ შაქარი, ოდნავ გავაგრილოთ და ჩავასხათ ტაფაში.

მიღებული მასა ხელით კარგად ავზილოთ ერთგვაროვანი კონსისტენციის მიღებამდე. გავაკეთოთ ბურთულები და დავაყოვნოთ 2-3 საათი.

აჭარული ჰალვა მზადაა.