ნისლიან ალბიონზე ოფლის მღვრელი ესპანელი ფეხბურთელის, ფერნანდო ტორესის მეუღლე, ოლაილა დომინგესი ვერაფრით ვერ შეეგუა ბრიტანეთის მკაცრსა და ნესტიან ჰავას და როგორც ჟურნალისტებთან საუბარში ამბობს, ერთი სული აქვს, როდის დაბრუნდება ესპანეთში.
სხვათა შორის, ბრიტანული კლიმატის გამო წუწუნი ბოლო დროს პრემიერლიგის ლეგიონერ ფეხბურთელებსა და მათ ცოლებში, ერთგვარ მოდად იქცა და ვისაც კი არ ეზარება, ყველა მოსთქვამს და წუწუნებს – თუ სიკვდილი არ მინდოდა, ალბიონზე რა მინდოდაო...ფერნანდო ტორესი და ოლაილა დომინგესი ბრიტანეთში ცხოვრების პირველივე დღეებში შეთანხმდნენ, რომ ინგლისში სახლი არ ეყიდათ და კლუბის მიერ გამოყოფილი ბინით გასულიყვნენ ფონს. თუმცა, ფერნანდომ ლონდონის გარეუბანში პატარა სახლი მაინც იყიდა და თუკი ოლაილას წუწუნმა უფრო დიდი მასშტაბი მიიღო, ადრე თუ გვიან, იმ სახლს გაყიდვა მაინც მოუწევს...
www.worldsport.ge