კამერუნელმა ფერადკანიანმა პოპ ვარსკვლავმა გამოუშვა საცხი(კრემი) დასახელებით Whitenicious , რომელიც კანს აფერმკრთალებს. ებონი დენცია ინტერვიუში ირწმუნება, რომ კრემი მუქი ფერის ლაქების მოსაშორებლად გამოიყენება. თუ ამ კრემს ვიხმართ არა მარტო ლაქებზე, არამედ მთელ ტანზე, გაგვათეთრებს. მაგალითისთვის მას საკუთარი თავი მოჰყავს. ის შავკანიანი იყო, მაგრამ ახლა ჩვეულებრივი თეთრია. სურათებზეც, რომელზეც ის 2011 წელს არის გადაღებული, შავკანიანი ქალია ასახული. ახლანდელზე კი თქვენც ხედავთ როგორ გამოიყურება.

პროდუქციის სარეკლამო დევიზი ასეთია: "დაემშვიდობეთ პიგმენტურ ლაქებს სამუდამოდ-ეფექტურად აღიავებს კანს შვიდ დღეში".

კანის გათეთრება მზარდი ტენდენციაა დასავლეთ აფრიკაში. კრიტიკოსებს არ მოეწონათ, რომ პოპ ვარსკვლავმა თავისი პროდუქცია წარმოაჩინა, თანაც საკუთარი სურათებით. ძველ სურათებზე ის ხომ უფრო მუქად ჩანს. მომღერალი იმასაც აღნიშნავს, რომ პროდუქცია კარგად იყიდება. ის ორგვარ შეფუთვაშია. პატარა ღირს 60 დოლარი, დიდი კი 160. მომრღერალი იმასაც აღნიშნავს, რომ თვითონ ამდენ ფულს არ დახარჯავს მთელი სხეულის გათეთრებაში. ამით ის თითქოს თავს იზღვევს არასაიმედო შედეგისგან. რეკლამაშიც ხომ მხოლოდ იმას აღნიშნავს, რომ პიგმენტური ლაქების სამკურნალოა და კანს მხოლოდ აღიავებს.

კრიტიკოსებმა აღნიშნეს, რომ სხვადასხვა საცხები კიბოს აჩენენ. მან კი უპასუხა: "იქნებ ის ჰაერიც აჩენს კიბოს რითიც ვსუნთქავთ?"

კრიტიკოსების გარდა საცხმა შავკანიანი ქალების განაწყენება გამოიწვია. მომღერალმა კი მოიშველია მარტინ ლუთერ კინგის სიტყვები: "მე მაქვს ოცნება... ოცნება არ გავხდე თეთრი".