ამანდა ლეპორი ცნობილი ამერიკელი ტრანსსექსუალი მოდელი და მომღერალია. ახლა იგი 46 წლისაა. ამანდამ 19 წლის ასაკში შეიცვალა სქესი და მას შემდეგ უამრავი ოპერაცია აქვს გაკეთებული.

ლეპორი დაიბადა ბიჭად და ერქვა არმანდი. 11 წლის ასაკში, მას შემდეგ რაც ტელევიზიით უყურა გადაცემას სქესის შეცვლის შესახებ, მას სურვილი გაუჩნდა, რომ თვითონაც შეეცვალა სქესი. მას არ უნდოდა, რომ ბიჭივით სცმოდა და ამიტომ გოგოს ტანსაცმელში ჩაცმული წავიდა სკოლაში, მაგრამ მას სკოლაში არ მისცეს უფლება რომ ასეთი სახით ევლო. ამის გამო ამანდამ სკოლა მიატოვა და სახლში დაიწყო მეცადინეობა.

"ოპერაციამდე, მაშინაც კი როცა მე ბიჭივით ვიცმევდი, მაინც ყველას გოგო ვეგონე-ამბობს ამანდა-კლასში ყველაზე პატარა ვიყავი. ზოგიერთი მასწავლებელი ვერ ხვდებოდა ვინ ვიყავი მე. 13 წლისამ გავიზარდე თმები, დავიგრძელე წამწამები და დავიწყე მაკიაჟის გამოყენება. მაშინ ჩვენ ვუსმენდით როკენ-როლს და ამით მე შემეძლო დამეფარა ჩემი გარეგნობა. სკოლაში ძალიან რთული იყო, ბავშვები ხშირად დამცინოდნენ ჩემი გარეგნობისა და ქცევების გამო, მაგრამ სწორედ ეს დამეხმარა იმაში, რომ გავმხდარიყავი ის რაც ვარ. ამან მე გამაძლიერა."

15 წლის ასაკში ამანდამ დაიწყო მოცეკვავეებისთვის კოსტიუმების შექმნა ადგილობრივ კლუბში. მან იშოვა ჰორმონალური პრეპარატები და ჩუმად დაიწყო მათი მიღება. მისმა სხეულმა ცვლილება დაიწყო. მშობლებმა ამანდა ფსიქოლოგთან წაიყვანეს, რომელმაც მოზარდს ტრანსსექსუალის დიაგნოზი დაუსვა და ჰორმონალური პრეპარატებიც დაუნიშნა.

15 წლის ლეპორი ხვდებოდა პლასტიკურ ქირურგს. ერთგულმა საყვარელმა მას ცხვირის ოპერაცია გაუკეთა. 17 წლისამ კი უკვე სქესი შეიცვალა. ამის შემდეგ უკვე გრძელი გზა განვლო იქმადე ვიდრე ისეთი გახდებოდა როგორიც ახლა არის. სამჯერ გაიდიდა მკერდი, ორჯერ შეიცვალა თვალის ფორმა და შუბლი, იკეთებდა ბოტოქსს, იდიდებდა ტუჩებს, იცვლიდა სხეულის ფორმებს და ამოიცალა ნეკნი. თუ რა დაუჯდა მთელი წლების განმავლობაში ამანდეს ეს უამრავი ოპერაციები არ ამხელს, მაგრამ აღნიშნავს:

"ტყუილად კი არ ამბობენ, რომ მე ვარ ყველაზე ძვირადღირებული სხეულის მფლობელი მთელს მსოფლიოში!"

ახლა, ამანდას რომელსაც გამოშვებული აქვს რამდენიმე მუსიკალური ალბომი, მუშაობს ახალ დისკზე და აპირებს გამოუშვას თავისი მემუარები.