კურიოზები ავია დისპეჩერებისა და თვითმფრინავების პილოტებს შორის რადიო–საუბრებისას.
ანძად მოვიხსენიებ სადისპეჩერო ცენტრს, საიდანაც ხდება თვითმფრინავების კურსისა და აფრენა–დაშვების კონტროლი.

ანძა: ხმაური რომ აიცილოთ, გთხოვთ 45 გრადუსით მარჯვნივ აიღოთ კურსი.
პილოტი: რა ხმაური უნდა გამოვიწვიო, როდესაც 35 000 ფუტის სიმაღლეზე მივფრინავ?
ანძა: ხმაური იქნება წინ მიმავალ ბორტ 727–ს თუ დაეჯახები, ეს რომ არ მოხდეს 45 გრადუსით მარჯვნივ აიღე კურსი.

–––––––––––––––––––––––––––––––––––––––––––––––––––––
ანძა: თქვენ აერობუსი 320 ხართ თუ 340?
პილოტი: რა თქმა უნდა 340 ვარ!

ანძა: მაშინ გეთაყვა, აფრენამდე აამუშავეთ დარჩენილი ორი ძრავაც.

–––––––––––––––––––––––––––––––––––––––––––––––––––––
პილოტი: დილა მშვიდობისა ბრატისლავა.
ანძა: დილა მშვიდობისა, ეს ვენაა.
პილოტი: მე ბრატისლავაში შემოვდივარ დასაფრენ ბილიკზე.
ანძა: დამიჯერეთ ეს ვენაა და არა ბრატისლავა.
პილოტი: მაგრამ რატომ? მე ბრატისლავაში მივდივარ და ახლა დასაშვებად ვემზადები.
ანძა: კეთილი, შეწყვიტეთ დაშვება და მარცხნივ აიღეთ კურსი ბრატისლავასაკენ.

–––––––––––––––––––––––––––––––––––––––––––––––––––––
პილოტი: ჩვენ ძალიან ცოტა დაგვრჩა საწვავი, გთხოვთ მიიღოთ ზომები.
ანძა: სად ხართ? მე ვერ გხედავთ ლოკატორის ეკრანზე.
პილოტი: მეორე ასაფრენ ბილიკზე ვდგავართ და უკვე კარგა ხანია საწვავს ველოდებით.

–––––––––––––––––––––––––––––––––––––––––––––––––––––
ანძა: მგზავრების ჩამოსვლის მერე გაემართეთ მეორე სადგომისაკენ თვითმფრინავით და იქ დააყენეთ თვითმფრინავი.
პილოტი: მერე სადაა მეორე სადგომი?
ანძა: მეც არ ვიცი, ჯერ მხოლოდ მეორე დღეა რაც აქ ვმუშაობ.

–––––––––––––––––––––––––––––––––––––––––––––––––––––

პილოტი: გთხოვთ მომცეთ აფრენის ნებართვა.
ანძა: ბოდიში, მაგრამ ჩვენ არ გვაქვს თქვენი აფრენის მიმართულების მონაცემები. საით მიფრინავთ?
პილოტი: როგორ თუ საით, როგორც ყოველთვის ყოველ ორშაბათს ზალცბურგში.
ანძა: მაგრამ დღეს სამშაბათია!

პილოტი: რა? ეტყობა რეისი გუშინ გამოგვრჩა და დღეს ვისვენებთ.
–––––––––––––––––––––––––––––––––––––––––––––––––––––
ანძა კერძო თვითმფრინავის პილოტს: ვინ გყავთ ბორტზე?
პილოტი: მე, ორი მგზავრი და ძაღლი.
თვითმფრინავის საკმაოდ უხეშად "დაჯდომის" მერე ანძიდან ეკითხებიან პილოტს: შტურვალთან თქვენ იჯექით თუ ძაღლი?