მასალა:

შაქარი–260 გრამი

კეფირი–1/2 ლიტრი

კვერცხი–3 ცალი

ფქვილი–300–350 გრამი

კაკაო–2 სუფროს კოვზი

სოდა ძმრით–1 ჩაის კოვზი

მოხარშული შესქელებული რძე–1 ქილა

არაჟანი 15%–იანი–500 გრამი

ნიგოზი–1 ჭიქა

შოკოლადი მოსართავად–80 გრამი

მომზადება:

ავთქვიფოთ კვერცხები შაქართან ერთად, დავამატოთ კეფირი, კაკაო, სოდა ძმრით, ფქვილი და მოვამზადოთ ცომი. ცომი უნდა იყოს სქელი დასასხმელი, ჰგავს ალადების ცომს.

ცომი გავყოთ 2 ნაწილად და გამოვაცხოთ ცალ–ცალკე 22 სმ დიამეტრის ყალიბში ცხიმწასმულ პერგამენტზე. ცხვება დაახლოებით 35–40 წუთი.

გავაციოთ კარგად და თითოეული ბისკვიტი გავჭრათ შუაზე, ესეიგი გამოვა სულ 4 ფირფიტა.

მოვამზადოთ კრემი: არაჟანში ავურიოთ მოხარშული შესქელებული რძე და დაჭრილი ნიგოზი.

წავუსვათ ფენებს კრემი და დავაწყოთ ერთმანეთზე, ზემოდანაც წავუსვათ კრემი და მოვახეხოთ შოკოლადი.

მიირთვით გემრიელად!