რუსეთის თავდაცვის სამინისტრომ ოფიციალური განცხადება გააკეთა, სადაც აღნიშნულია, რომ მათ მოკლე რადიუსის მქონე რაკეტები განალაგეს ევროპის საზღვრების სიახლოვეს.

“ისკანდერ-მ"-ის ტიპის რაკეტები რუსეთის დასავლეთით სამხედრო ბაზაზეა განლაგებული.ეს ტერიტორია მოიცავს როგორც კალინინგრადს, ასევე მოსკოვსა და სანქტ-პეტერბურგსაც.პირველი ამათგანი კი “NATO"-ს წევრი ქვეყნების - ლიტვასა და პოლონეთს შორის მდებარეობს.

უნდა აღინიშნოს, რომ აღნიშნული ატომური რაკეტების მოქმედების რადიუსი დაახლოებით 500 კილომეტრია, რაც მთლიანად ფარავს პოლონეთის ტერიტორიას, ხოლო თეორიულად შესაძლებელია, რომ გერმანიის დედაქალაქ ბერლინამდეც კი მიაღწიოს(მანძილი კალინინგრადიდან ბერლინამდე 527კილომეტრია).

როგორც ეტყობა, რუსეთი მხოლოდ უკრაინაზე დამუქრებით არ შემოიფარგლება და მზადაა ყველას წინააღმდეგ იბრძოლოს ან დაიმუქროს მაინც, ვინც მის გეგმებს წინ გადაეღობება.ყოველივე ამის ფონზე დიდად გასაკვირი არც უნდა იყოს უკრაინის პრეზიდენტის გადაწყვეტილება, ევროკავშირთან ასოცირების ხელშეკრულებაზე ხელის მოწერაზე უარის თქმა.ძნელია ისეთი პოტენციალის მქონე ქვეყანას, როგორიც რუსეთია, რამეში შეეწინააღმდეგო.როგორც იტყვიან, უკრაინის პრეზიდენტმა “ჩათრევას ჩაყოლა ამჯობინა".

საინტერესოა, ამჯერად როგორი იქნება საერთაშორისო საზოგადოების რეაქცია და შეძლებს თუ არა იგი რუსეთის თავაშვებული ქმედებების შეჩერებას, უკრაინას და საქართველოს მხოლოდ ეს იმედიღა შემოგვრჩენია.