ტურინის “იუვენტუსის” თავდამსხმელი კარლოს ტევესი არა მხოლოდ “სკუდეტოს” მოგებაზე ოცნებობს, არამედ იტალიის სერია A-ს ბომბარდირობაზეც ფიქრობს.
29 წლის ფეხბურთელმა საკუთარი სურვილი Football Italia-ს “სასუოლოსთან” 4:0 მოგებული მატჩის შემდეგ გაანდო, რომელშიც მან ჰეთ-თრიქი შეასრულა.
“უწინარესად, “იუვენტუსთან” ერთად “სკუდეტოს” მოგება მსურს. ამასთან, მინდა, რომ სერია A-ს ბომბარდირიც გავხდე, თუმცა, ეს მეორეხარისხოვანი ამოცანაა” – თქვა არგენტინელმა.
16 ტურის შემდეგ “იუვენტუსი” სატურნირო ცხრილს 43 ქულით ლიდერობს და 6 ქულით უსწრებს მეორე ადგილზე მყოფ “რომას”. თავად ტევესის ანგარიშზე 10 გოლია და მას მხოლოდ “ფიორენტინას” ფორვარდი ჯუზეპე როსი უსწრენს, რომელმაც 13 გოლი გაიტანა.

ზურა ქსოვრელი

www.worldsport.ge