საპარლამენტო უმცირესობის წარმომადგენელი, დეპუტატი თინათინ ბოკუჩავა ფეხმძიმედ არის. ამ ინფორმაციას "ambebi.ge" ავრცელებს, დეპუტატის მეგობრების მინათხრობის საფუძველზე. წყაროს მტკიცებით ის რამდენიმე კვირის ორსულია და ბავშვს ერთ-ერთი სახელმწიფო უწყების პირველი პირისგან ელოდება. საინტერესოა რამდენად სანდოა ახალგაზრდა დეპუტატის ე.წ. "მეგობრების" მონათხრობი?! გასაგებია, რომ ქალბატონი თინათინი საჯარო მოხელეა და მისდამი ინტერესიც დიდია, როგორც ჩანს საინფორმაციო წყარო უტყუარ ინფორმაციას ეყრდნობა. დეპუტატი 30 წლისაა და დაოჯახებული ჯერ არ გახლავთ, ამიტომაც საზოგადოებაში განსაკუთრებით დიდ ინტერესს იწვევს მისი ორსულობის საკითხი.

შეგახსენებთ, რომ თინათინ ბოკუჩავა პარლამენტში "ერთიანი ნაციონალური მოძრაობის" პარტიული სიით მოხვდა, საზოგადოების დიდი ნაწილი მის "კარიერულ წარსულზე" ინფორმირებული არ გახლდათ, მიუხედავად იმისა, რომ საკმაოდ საპასუხისმგებლო თანამდებობები ეკავა. მუშაობდა კონტროლის პალატაში, სახელმწიფო აუდიტის სამსახურის გენარალური აუდიტორის მოადგილედ.

საკმაოდ აქტიურად გახლდათ ჩართული პოლიტიკაში, არასდროს იშურებდა მწვავე რეპლიკებს ხელისუფლების მიმართ, თუმცა ბოლო რამოდენიმე კვირაა ეკრანებზე აღარ ჩანს... საინტერესოა ამ ყველაფრის მიზეზი ახალი რომანი და ორსულობა ხომ არ არის? დაველოდოთ მოვლენების განვითარებას. ქალბატონ თინათინს კი ვუსურვოთ ბედნიერი დედობა...