ქვეყანაში ბოლო დროს განვითარებულმა მოვლენებმა კონსტიტუციური მონარქიის აღდგენასთან და უფლისწულის მონათვლასთან დაკავშირებით ქართული საზოგადოების არაერთგვაროვანი რეაქცია გამოიწვია და დღემდე მსჯელობის ყველაზე მნიშვნელოვან თემად იქცა.

თუმცა დღეს სოციალურ ქსელებში გავრცელდა ე.წ. " სამეფო ოჯახის" განცხადება, რომლის ტექსტში ვკითხულობთ: - " მას შემდეგ, რაც ჩემი ვაჟი - გიორგი უწმინდესმა და უნეტარესმა, საქართველოს კათოლიკოს - პატრიარქმა

ილია მეორემ მონათლა და უფლისწული უწოდა, საზოგადოებაში არაერთხელ გაისმა საჯარო განცხადებები და მოწოდებები კონსტიტუციური მონარქიის აღდგენასთან დაკავშირებით, მინდა საჯაროდ განვაცხადო, რომ მოწოდებები ჩემთან შეთანხმების გარეშე გაკეთდა და ჩემი ოჯახი მონაწილეობას არ იღებს აღნიშნულ პროცესში.ჩვენი მხრიდან არ გადაიდგმება არც ერთი ნაბიჯი ქართველი ხალხისა და ახლად არჩეულ დემოკრატიულ მთავრობასთან შეთანხმების გარეშე, რომელმაც იბრძოლა ჩვენი ერისა და ასევე ჩემი ოჯახის თავისუფლებისათვის" - ასეთი შინაარსის განცხადება გავრცელდა სოციალურ ქსელებში.