ამერიკული “ლოს ანჯელეს გელექსის” ვეტერანი ფორვარდი რობი კინი კარიერის დასრულებაზე არ ფიქრობს და კლუბთან კონტრაქტის გახანგრძლივებას გეგმავს. ამის შესახებ 33 წლის ირლანდიელმა The Guardian-ს განუცხადა.
“კონტრაქტზე ხელი ჯერ არ მომიწერია, მაგრამ სიტყვიერად უკვე შევთანხმდით. ხელშეკრულება 2 ან 3-წლიანი იქნება. სასიამოვნოა, როდესაც შენი სჯერად. 30 წელს გადაცილებულ ფეხბურთელებს მხოლოდ წელიწადიან კონტრაქტებს სთავაზობენ ხოლმე. იქამდე ვითამაშებ, სანამ ჯანმრთელობა ხელს შემიწყობს”, - განაცხადა ირლანდიელმა მეგოლემ.
აღსანიშნავია, რომ რობი კინი არც ირლანდიის ეროვნული ნაკრებიდან წასვლას გეგმავს.

ირაკლი ჯაფარიძე

www.worldsport.ge