31 ოქტომბრის ღამეს კათოლიკურ სამყაროში აღნიშნავენ ჰელოუინის დღესასწაულს.ესაა დღესასწაული-რომელსაც ფესვები საუკუნების სიღრმეში აქვს და სათავეს იღებს ძველი კელტების ტრადიციებიდან.

ძველი კელტების ეს დღესასწაული ძირითადად აღინიშნებოდა აშშ-ში და კანადაში, მაგრამ ამ ბოლო წლებში იგი პოპულარული გახდა ევროპის ბევრ ქვეყანაში, მათ შორის რუსეთში.

დღესასწაულის ფესვები სათავეს იღებს ჯერ კიდევ ქრისტიანობამდელ ეპოქაში.კელტების ტომები, რომლებიც ცხოვრობდნენ ახლანდელი ირლანდიის, ინგლისისა და ჩრდილო საფრანგეთის ტერიტორიაზე, წელიწადს ყოფდნენ ორ ნაწილად-ზამთარი და ზაფხული.31 ოქტომბერი მათთვის წლის ბოლო დღე იყო.ეს დღე აგრეთვე აღნიშნავდა მოსავლის აღების დამთავრებას და გადასვლას ახალ-ზამთრის დროში.

ამ დღეს იწყებოდა კელტების ზამთარი.

ახალი წლის დღესასწაული იწყებოდა 31 ოქტომბერს ღამით. ამ ღამეს, კელტების რწმენით, ცოცხლებისა და მიცვალებულების კარიბჭე იღებოდა და იმ სამყაროში მცხოვრები მიცვალებულები ბრუნდებოდნენ დედამიწაზე.კელტები ამ ღამეს სამჰეინს უწოდებდნენ. იმისათვის, რომ მკვდარი სულების და მოჩვენებების მსხვერპლი არ გამხდარიყვნენ, კელტები ამ ღამეს სახლში აქრობდნენ შუქს, გადაიცვამდნენ სხვადასხვა მხეცების ტყავს, რომ დაეფრთხოთ მომხვდურები. ქუჩაში სახლთან ახლოს ტოვებდნენ საკვებს სულებისათვის, თვითონ კი იკრიბებოდნენ დრუიდების მიერ გაჩაღებულ უზარმაზარ კოცონთან და მსხვერპლად წირავდნენ ცხოველებს.

მსხვერპლშეწირვის შემდეგ იღებდნენ კოცონიდან წმინდა ცეცხლს და მიჰქონდათ სახლებში. დღესასწაულის სიმბოლო იყო გოგრა-ის არამარტო აღნიშნავდა მოსავლის დაბინავებას, არამედ აფრთხობდა ბოროტ სულებს მასში ანთებული ცეცხლით.

დროთა განმავლობაში დღესასწაულმა სახეცვლილება განიცადა, ხოლო როცა 609 წელს რომის პაპმა ბონიფაცი მეოთხემ 1 ნოემბერი გამოაცხადა ყველა წმინდანის დღედ, თუმცა ეს უბრალო დამთხვევა იყო, მაგრამ ამის შემდეგ ჰელოუინი ატარებდა სახელწოდებას All Hallows Even-მესა ყველა წმინდანისა. საბოლოოდ კი სახელად Halloween დაერქვა, ასე შეერწყა ერთმანეთს სახალხო და ეკლესიური დღესასწაულები.

ამერიკული ჰელოუინის ატრიბუტებია გოგრა Jack‑o‑lanterns და სამოწყალო ტკბილეული Trik or trak(გაგვიმასპინძლდი-თორემ ინანებ).ეს ახალგაზრდების საყვარელი დღესასწაულია, ისინი გამოეწყობიან საშიშ ტანსაცმელში და აშინებენ დიდებს, ხოლო კომპენსაციად ტკბილეულს ითხოვენ.

მიუხედავად იმისა, რომ ამერიკელები საუკუნეებია ამ დღესაწაულს აღნიშნავენ, ის არ ითვლება ოფიციალურ დღესასწაულად. თუმცა ეს სრულებით არ უშლის ხელს იქაურ მოსახლეობას დახარჯონ უამრავი ფული გოგრებში, საკარნავალო ტანსაცმელში, სანთლებსა თუ მისალოც ბარათებში.