ბრიტანული გამოცემა Daily Mail-ის ინფორმაციით, იგეგმება ფილმის გადაღება ფიფას ისტორიაზე, სადაც ამ ორგანიზაციის მოქმედი პრეზიდენტის იოზეფ ბლატერის როლს ტიმ როტი ითამაშებს, ხოლო მსოფლიოს საფეხბურთო ჩემპიონატის ჩატარების ინიციატორისა და ფიფას რიგით მესამე პრეზიდენტის (1921-1954), ჟიულ რიმეს როლს ჟერარ დეპარდიე შეასრულებს.
ფილმის სამუშაო ვერსიას F2014 ჰქვია და მისი გადაღება აზერბაიჯანში, საფრანგეთსა და ბრაზილიაში იგეგმება.
ბლატერის თქმით ტიმ როტს უკვე შეხვდა და მომავალი თანამშრომლობის საკითხები განიხალა:
“ტიმ როტი ჩვენი შეხვედრით გაოცებული დარჩა, მაგრამ ხასიათის საერთო ნიშნები გვაქვს. მინდა ვაღიარო, რომ საინტერესო შეხვედრა აღმოჩნდა”.

ლაშა თაბაგარი

www.worldsport.ge