- სალომე ღვინიაშვილმა მოდელობა 16 წლის ასაკში დაიწყო და საზოგადოების ყურადღების ცენტრში პატარაობიდან ექცეოდა. დღეს ის სამი შვილის დედა და ფეხბურთელ, ზურა ხიზანიშვილის მეუღლეა.

- ერთმანეთი პარიზში გაიცნეს, ზურამ ულამაზეს მოდელს დაურეკა და პირდაპირ შეხვედრა სთხოვა. სალომეს პირველი შეხვედრის დროსაც კი არ ჰქონია ზურასთან გაუცხოება, რადგან როგორც თვითონ ამბობს, მისი მეუღლე ძალიან თბილი ადამიანია და ასე ეგონა, რომ მთელი ცხოვრება იცნობდა.

- მათი ურთიერთობა მეგობრობით არ დაწყებულა, სალომემ თავიდანვე იცოდა ზურას გრძნობების შესახებ, თუმცა პირველმა შეხვედრამ, როგორც ხშირად ხდება ხოლმე, მაინც მეგობრულად ჩაიარა. სალომეც ძალიან მალე მოიხიბლა ფეხბურთელით და მიხვდა, რომ ამ ადამიანის გარეშე ცხოვრებას ვეღარ შესძლებდა. ამბობს, რომ ზურამ ყველაფრით მოხიბლა, თავისი უშუალობით, იუმორით და რაღა თქმა უნდა პირველ რიგში - გარეგნობით.

- ლონდონში ყოფნის დროს წყვილმა გადაწყვიტა ტატუები გაეკეთებინათ, ორიგინალური აზრიც მოუვიდათ და მარჯვენა თითებზე ერთმანეთის სახელები ამოისვირინგეს. სალომე ამბობს, რომ სახლში ჩვეულებრივი დიასახლისია, სიამოვნებას ანიჭებს სამზარეულოში ფუსფუსი და როდესაც დილით საყვარელ მეუღლეს საუზმეს უმზადებს, ამით დიდ სიამოვნებას იღებს.

- ჭორებზე რეაქცია არა აქვს, ცოტა ხნის წინ ის ინფორმაციაც
გავრცელდა, რომ ეს მოსიყვარულე წყვილი ერთმანეთს დაშორდა, ამაზე სალომე პასუხობს, რომ ამას ვინც იგონებს, მათ არ აქვთ საკუთარი ცხოვრება. რა თქმა უნდა ეს ჭორები არ სიამოვნებს,
თუმცა უკვე მიჩვეულია და არ ანერვიულებს.