საზოგადოება ორი მცირეწლოვანი გოგონა სარეცხის მანქანაში გაიგუდა 2013, 6 ოქტომბერი, 11:10 შოკისმომგვრელ ფაქტს იძიებს ჩინეთის პოლიცია, ორი მცირეწლობანი გოგონას გვამი იპოვეს სარეცხ მანქანაში.ტრაგედია პროვინცია ცზიანსიში დატრიალდა, ჩინეთის აღმოსავლეთით.გამოძიების ინფორმაციით ორი გოგონა 2 და 3 წლისა შეძვრა სარეცხის მანქანაში და ჯერ კიდევ გაუგებარია, როგორ, მაგრამ ჩართეს გაწურვის პროგრამა.როგორც სააგენტო "სინხუა" იუწყება, დედა ამ დროს სამზარეულოში იმყოფებოდა და საოჯახო საქმეს აკეთებდა, ხოლო მამა მუსიკას უსმენდა, მათ გარდა სახლში 1 წლის ბიჭუნაც იმყოფებოდა.როდესაც გოგონები აღმოაჩინეს სარეცხ მანქანაში ისინი უკვე გაგუდულები იყვნენ.სარეცხი მანქანების დამამზადებელი კომპანია Haier-ის წარმომადგენლები ადგილზე მივიდნენ, რომ შეესწავლათ მომხდარი ფაქტი და პოლიციას დახმარებოდნენ გამოძიებაში.South China Morning Post-ის ინფორმაციით სარეცხის მანქანა აივანზე იდგა, მშობლები ოთახში იყვნენ და ვერ შეამჩნიეს, რომ მანქანა ჩაირთო.მშობლებს ჯერ ეგონათ, რომ ბავშვები ეზოში ჩავიდნენ, დაიწყეს ძებნა, მხოლოდ ბოლოს ნახეს აივანზე ჩართული სარეცხის მანქანა მოციმციმე ნათურებით.როგორც მეზობელი ჰყვება, იგი მამას დაეხმარა სარეცხის დოლურადან ბავშვების გამოტანაში, ამ დროს დედას გული წაუვიდა.პოლიციის ინფორმაციით ოჯახი შეძლებული იყო და მშობლებს კარგი ურთიერთობა ჰქონდათ შვილებთან, თუმცა არც დედა და არც მამა არ მუშაობდნენ.თუმცა ინტერნეტ საიტებზე მშობლების გულგრილობას უარყოფითი კომენტარები და შენიშვნები მოჰყვა. 466 5-ს მოსწონს 1-ს არა |
საწყალი ბავშვები. :((