ამა წლის ფრანქფურტის მიმდინარე ავტოშოუზე ერთ-ერთი ყველაზე თანამედროვე ორკარიანი კუპე იყო Mercedes-Benz-ის S კლასის კუპე. იგი 2014 წელს გამოვა მსოფლიო ბაზარზე.

ახალი S კლასის კუპე ჩაანაცვლებს ბაზარზე უკვე არსებულ Mercedes-Benz CL მოდელის კუპეს. ავტომობილის სიგრძე თითქმის 5 მეტრია და მას 21 დიუმიანი დისკები ამშვენებს. აღნიშნული კუპე სალონის საკმაოდ დიდი მოცულობით, 4.6 ლიტრიანი 455 ცხენისძალიანი ძრავით გამოირჩევა.

ახალი თაობის S კლასის მოდელი აღჭურვილია უსაფრთხოების ულტრათანამედროვე სისტემით. ავტომობილზე დამონტაჟებული სენსორები აფრთხილებენ მძღლს ფეხით მოსიარულეთა, სხვა ავტომობილისა თუ საგნების მოახლოების შესახებ.

მისი ფასი დაახლოებით 100000 ამერიკული დოლარი იქნება.