მოცალეობის ჟამს, ევროპული ქალთა უფლებების დამცველი ორგანიზაციები ათასგვარ საინტერესო სტატისტიკურ მასალებს აგროვებენ, რასაკვირველია ქალებთან დაკავშირებით. მაგალითად, ამასწინათ, ინგლისელმა ქალთა უფლებების დამცველებმა დაადგინეს, რომ პრემიერლიგის კლუბებს შორის ყველაზე მეტი ქალი ქომაგი “ლივერპულს” ჰყოლია. შემდეგ მოდის “მანჩესტერ იუნაიტედი”, “ჩელსი” და “არსენალი.”
თუკი ინგლისელ ფემინისტებს დავუჯერებთ, ინგლისელი ქალბატონები პრემიერლიგის კლუბებს შორის ყველაზე ნაკლებად “ევერტონსა” და “სტოკ სიტის” სწყალობენ. ქალების მხრიდან კლუბების სიყვარულისა თუ სიძულვილის ზუსტი მიზეზების დადგენა რა თქმა უნდა ძნელია. თუმცა, ინგლისელი ფემინისტები ირწმუნებიან, რომ ბრიტანელ ქალებს ის საფეხბურთო კლუბები მოსწონთ, სადაც სტადიონზე ჯდომისა და ფეხბურთის ცქერის დროს მათი უფლებები ყველაზე ნაკლებად იზღუდება.

www.worldsport.ge