იყიდა როგორც დეკორატიული გოჭი და გაიზარდა როგორც უზარმაზარი ღორი.

ბოლო დროს პოპულარული გახდა სახლში დეკორატიული ცხოველების ყოლა, მაგრამ ყიდვისას აუცილებელია იცოდეთ ამა თუ იმ შესაძენი ცხოველის შესახებ ყველაფერი. რადგან შესაძლოა დეკორატიულის ნაცვლად ჩვეულებრივი ცხოველი "შემოგაჩეჩონ".
ასე დაემართა ბრიტანელ ქალბატონს ქეტრინ დეივზს, როცა საკუთარი დაბადების 55–ე წლის აღსანიშნავად 850 დოლარად იყიდა დეკორატიული გოჭი, რომელსაც დადლი დაარქვა.
რამდენიმე თვის გავლის შემდეგ კი გაირკვა რომ დეკორატიულ გოჭად ნაყიდი დადლი, საკმაოდ ჯიშიანი ღორი გახდებოდა. როგორც ცნობილია დეკორატიული ღორი სიმაღლით 35 სანტიმეტრი და წონით 30 კილოგრამამდე იზრდება. ქეტრინი ისე მიეჩვია თავის უკვე საკმაოზე დიდ ღორს რომ მის მოშორებაზე არც ფიქრობს და დადლიც გვერდიდან არ შორდება კეთილ პატრონს.
ესეც დეკორატიულ ღორად ნაყიდი დადლის და მისი პატრონის სურათები.