ტაიუანი ერთ-ერთი უძველესი ქალაქია არა მარტო ჩინეთში, არამედ მსოფლიოშიც, აქ ხალხი ჯერ კიდევ ჩ.წ აღრიცხვამდე 500 წელს დასახლდა.მას დიდი სტრატეგიული მნიშვნელობა ჰქონდა ძველ დროშიც ახლაც, რადგან ამ ქალაქში, სადაც 4 მილიონი მცხოვრებია დიდი სამრეწველო საწარმოებია, ტურისტული ღირსშესანიშნაობები და მახლობლად კოსმოდრომი.ამიტომ ამ ქალაქში მიწის ყოველი გოჯი ძვირად ფასობს და მნიშვნელოვანია.ერთ-ერთმა კომპანიამ გადაწყვიტა მშენებლობა ძველი სასაფლაოს ადგილას წამოეწყო, ჭირისუფლებს კომპანიამ შესთავაზა თავიანთი ხარჯებით საფლავების სხვა ადგილას გადატანა და კონპესაცია, თუმცა აღმოჩნდა ერთი ჯიუტი ოჯახი, რომელიც ამტკიცებს, რომ საფლავის გადატანისთვის უნდა შეირჩეს "ხელსაყრელი დღე", როდის დადგება ეს ხელსაყრელი დღე უცნობია, მშენებლობა კი 2013 წლის ბოლოსთვის უნდა დასრულდეს.ამასთანავე ოჯახი მოითხოვს აუხსნან, თუ მაინც და მაინც რატომ გადაწყვიტა კომპანიამ სასაფლაოს ადგილზე სახლის აშენება, სანამ ურთიერთდავა მიმდინარეობს, მანამდე სასაფლაოს ადგილზე გახურებული მშენებლობა მიდის, საფლავი კი კუნძულივითაა წამოჭიმული.ზოგიერთი ჩინური გამომცემლობა იუწყება, რომ სასოწარკვეთილი კომპანია ოჯახს მზადაა 160 000$ გადაუხადოს, თუმცა ჯიუტი ჩინელი "ჯორივით ერთ ადგილზე დგას".