ახალი წლის ღამეს საფრანგეთში სამწუხარო ტრადიცია გაგრძელდა, როდესაც დიდი დღესასწაულების გადაწვით "ერთობიან". არც ისე კეთილმოწყობილი რაიონების მცხოვრებნი, ძირითადად, მსხვილი ქალაქების გარეუბნების, არ ღალატობდნენ ტრადიციას, რომელიც უკვე 15 წელია გრძელდება. "სადღესასწაულო" გადაწვები ძირითადად ახალ წელსა და ბასტილიის აღების დღეს (14 ივლისს) ემთხვევა ხოლმე. გასული წლის ღამეც არ ყოფილა გამონაკლისი და თითქმის 1200 მანქანის მფლობელს ჩაუშხამა დღესასწაული. სწორედ ამდენი მანქანა გადაწვეს ამჯერად და ეს მონაცემები რეკორდული გახდა. გარდა ამისა, პოლიციასთან ხულიგნების შეტაკებისას შვიდი სამართალდამცველი დაზარალდა.