ბრაზილიაში მიმდინარე კონფედერაციათა თასს მაყურებელი და გულშემატკივარი არც ლათინურ ამერიკაში აკლია და არც “ბებერ კონტინენტზე”. ეს ყველაფერი სპორტთან ნაკლებად დაკავშირებულმა ადამიანებმაც უწყიან და ბუნებრივია, ყველა ცდილობს, რომ ზემოთ აღნიშნული ტურნირის პოპულარობა სათავისოდ გამოიყენოს.
ბრაზილიელმა მოდელმა ანა პაულა არაუჟომ გადაწყვიტა, სხვა ცნობილი ლათინოამერიკელი ლამაზმანების მიერ უკვე არჩეულ გზას გაჰყვეს და განაცხადა, რომ თუკი კონფედერაცაითა თასზე “სელესაო” იპირველებს, იგი სამოსს საჯაროდ შემოიძარცვავს და თავის ძუძუებს, სოლოლაკელი მრეცხავის თეთრეულივით გამოფენს.

ანა პაულა არაუჟოს სახელი აქამდე სპორტს არასოდეს დაკავშირებია. როგორც ჩანს, მან ძველთაგან ნასწავლი ეშმაკობა იხმარა და გახდილი ნიფხვის ფრიალით სურს პოპულარობის მოპოვება. რას ვიზამთ, ყველა ისე იბრძვის, როგორც შეუძლია და სჯერა...

www.worldsport.ge