სოციალური ქსელის, ფეისბუქის საშუალებით გავრცელადა მაკა ჩიჩუას სურათი საცურაო კოსტიუმში. მაკა ჩიჩუა საქართველოს მომავალ პირველ ლედიდ მოიაზრება, ვინაიდან იგი საქართველოს განათლების მინისტრის, გიორგი მარგველაშვილის მეუღლეა. ეს ფოტო კი ფილმ Keep Smiling-ის სიუჟეტია.
ეს ერთადერთი ფოტოა ცოლ-ქმრის ერთად გადაღებული, რომელიც ინტერნეტ სივრცეში მოიპოვება, რადგან მაკა ჩიჩუას თავისი ფეისბუქის პროფილი დახურული აქვს და უცხო პირებისთვის მიუწვდომელია.

გიორგი მარგველაშვილი, საპრეზიდენტო კანდიდატად 11 მაისს, საპარლამენტო უმრავლესობის გადაწყვეტილებით, "ქართული ოცნების" ლიდერმა და პრემიერ-მინისტრმა ბიძინა ივანიშვილმა გამოაცხადა. ბიძინა ივანიშვილის თქმით ბატონი გიორგი საუკეთესო ვარიანტია, თუკი რაიმე ღირსება და დადებითი თვისება შეიძლება ჰქონდეს, ეს ყოველივე მარგველაშვილს მოჭარბებული აქვს და ამიტომ უმრავლესობამ ერთხმად დაასახელა იგი საპრეზიდენტო კანდიდატად.
გიორგი მარგველაშვილის პირადი ცხოვრების შესახებ, ძალიან ცოტა რამ არის ცნობილი. მას თუ მეუღლე ჰყავდა ბევრმა არც კი იცოდა. როგორც გაირკვა განათლების მინისტრი მეუღლესთან ერთად დუშეთში ცხოვრობს.
ასევე გავრცელებული ინფორმაციის მიხედვით, მაკა ჩიჩუა ვიზაჟისტად მუშაობდა ტელეკომპანია ПИК-ში. იგი ასევე არის მსახიობი, მომღერლობაშიც სცადა ბედი-გადაღებული აქვს ვიდეო "ელექტროტალღები", რომელიც "მაესტროს" მაყურებლებისთვის არის კარგად ცნობილი. ეს ვიდეო წლების წინ ტრიალებდა ამ ტელევიზიის ეთერით.
ასე რომ ყოვლად სავარაუდოა, რომ მაკა ჩიჩუა საქართველოს პირველი ლედი გახდება.
ეს კი კადრი ფილმიდან, სადაც მომავალი ლედი თავისი მთელი მშვენიერებით ჩანს