დღეს ირინა იმერლიშვილმა გამოაქვეყნა სკანდალური დოკუმენტაცია, რომლის თანახმადაც სასახელმწიფო დაცვის სპეციალურმა სამსახურმა პრეზიენტის დავალებით საპარლამენტო უმცირესობის წევრს- მარიამ საჯაიას 3500 ლარად შეფასებული ტიხრული მინანქრის ოქროს სამაჯური გადასცა. 2011 წელს, გალერეა "შარდენში" შეძენილი ეს ნივთი პრეზიდენტის სტუმარს - მარიამ საჯაიას გადაეცა.

პრეზიდენტისა და გიგი უგულავასათვის გასახდომი პროცედურების ჩატარებისათვის რამოდენიმე ათასი ლარი დაიხარჯა. ირინა იმერლიშვილის განცხადებით დუბაიში პრეზიდენტი და მისი მეგობრები ახალიწლის შესახვედრად გაემგზავრნენ (მათ შორის მარიამ საჯაია, გოგა ხაჩიძე, სერგო რატიანი...) ეს ვიზიტი სახელმწიფოს ხარჯებიდან დაიფარა.

თავად უმცირესობის წარმომადგენლები აცხადებენ, რომ ეს ყველაფერი 19 აპრილის აქციის ჩაშლას ემსახურება და ეს ინფორმაცია სიმარლეს არ შეესაბამება.