ყოფილი შინაგან საქმეთა მინისტრის, ბაჩო ახალაიას დაკავებამ “ნაციონალური მოძრაობის" წევრაბის აღშფოთება გამოიწვია. მათი განმარტებით ახალი მთავრობა ებრძვის “გმირებს" და მათ მიმართ წაყენებული ბრალდებები აფსურდულია, არარელური და სასაცილო. გამორიცხავენ ახალაის კავშირს რაიმე კრიმინალურ ქმედებასთან. სოციალურ ქსელ ფეისბუქში ბაჩო ახალაიას მხარდამჭერი გვერდიც შეიქმნა. სასამართლო პროცესზე კი მისმა მხარდამჭერებმა აქცია გამართეს, სადაც თეა თუთბერიძე, როგორც ყოველთვის, ხმაურიან განცხადებებს აკეთებდა - “ დეზერტირები იჭერენ გმირებს" და ა.შ. . “ნაციონალური მოძრაობის" ყველაზე ახალგაზრდა წევრის, მარიამ საჯაიას ფეისბუქის გვერდზე მრავალ არგუმენტს ნახავთ იმის დასტურად, რომ ბაჩო ახალაია უდანაშაულოა და რომ ის პოლიტპატიმარია :“- "დანის ტარი ჩაარტყა თავში" ;

- "წაართვა მანქანა და 2 დღეში უკან დაუბრუნა";
- "ჯარს აიძულა ეყვირა 'გაუმარჯოს მე-4 ბრიგადას!' "
სასამართლო პროცესზე გაჟღერებული ეს ბრალდებები ისმის იმის ფონზე, რომ მთელი ამ ხნის განმავლობაში ახალაიასგან შექმნეს სადისტი კრიმინალის სახე.
ბრალდების მხარის პოზიცია ადასტურებს, რომ არ არსებობს სამართლებრივი დევნის რეალური საფუძველი.
რაც შეეხება სასამართლოს განჩინებას:
ახალაიასთვის წინასწარი პატიმრობის შეფარდება, ხოლო კალანდაძისა და შამათავას გირაოს სანაცვლოდ გათავისუფლება კიდევ ერთხელ მეტყველებს გარემოებების აბსურდულობაზე, რადგანაც არ არსებობს არავითარი სამართლებრივი სხვაობა მიმალვის ან გამოძიების ხელის შეშლის საფრთხეებთან დაკავშირებით ამ სამ პიროვნებას შორის.
"მთავარია ახალაია დარჩეს ციხეში!" ."