21 წლის მარიამ საჯაია “ნაციონალური მოძრაობის" სიაში მე-10 ნომრად იყო და შესაბამისად დღეს ის საპარლამენტო უმცირესობაში არის. ძალიან ბევრ ადამიანს, სრულიად ლოგიკურად გაუჩნდა კითხვა, თუ რა დამსახურებით მოხვდა 21 წლის მარიამი საკანონმდებლო ორგანოში?!

ახალგაზრდა პარლამენტარის დედა სახელმწიფო აუდიტის სამსახურის ქუთაისის ოფისის ხელმძღვანელია. კომპანია კი, რომელიც საჯარო რეესტრის მონაცემებით მამამისს ეკუთვნის, დირექტორი კი მისი უფროსი ძმაა, წლების მანძილზე ბიუჯეტიდან მილიონობით ლარს იღებს სახელმწიფო დაკვეთების ფარგლებში შესრულებული სამუშაოებისთვის.

მიუხედავად იმისა, რომ მარიამმა სულ ახლახანს შემოაბიჯა ქართულ პოლიტიკაში, მან უკვე მოახერხა ხმაურიანი განცხადებების გაკეთება თავის ფეისბუქის გვერდზე: “მეგობრებო, ვგრძნობ თქვენს მხარდაჭერას ჩემი ცხოვრების ახალ და ძალიან საინტერესო ეტაპზე!
საქართველომ ამ არჩევნებით დაამტკიცა, რომ არის დემოკრატიული ქვეყანა და მე ვამაყობ, რომ საქართველოს ამ სახელის მოპოვებაში წვლილი მიუძღვის ჩემს გუნდს - ნაციონალურ მოძრაობას.
ჩვენ, ოპოზიციონერები :) გავაგრძელებთ ბრძოლას, რათა არ დავუშვათ საქართველოში წარსულის დაბრუნება !
დიდი მადლობა მხარდაჭერისთვის
ოპოზიციონერი :)". როგორც სჩანს ახალგაზრდა პოლიტიკოსი არც იმას არ დაუშვებს, რომ ვინმემ მიხეილ სააკაშვილს “მოღალატე'' უწოდოს, ბურჯანაძეს კი- “პატრიოტი"-

“სააკაშვილი მოღალატეა, პუტინს თვალებში ჩახედაო და ბურჯანაძე კი პატრიოტი, რომელიც პუტინს ეახლა". მარიამმა თავისი მოსაზრება კოალიცია “ქართული ოცნების" წინასაარჩევნო დაპირებების შესახებაც გამოთქვა ზემოთ ხსენებულ სოციალურ ქსელში: “ “თქვენ მიაჩვიეთ ქართული საზოგადოება თარიღების დანიშვნას, " დიახ! და რას ხედავთ ცუდს იმაში, რომ საზოგადოებამ იცოდეს რა ვადაში უნდა ელოდეს მთავრობის მიერ აღებული ვალდებულების შესრულებას?! თუ ჯობია პასუხები "მალე", "თქვენ თვითონ ნახავთ".