გიორგი ქორქიას და მაკა აბჟანდაძეს ლამაზი ოჯახი ჰქონდათ, მაგრამ სამწუხაროდ დაშორდნენ. მათ პატარა ნიკოლოზი ჰყავთ, რომელიც რა თქმა უნდა, დედასთან ცხოვრობს. დამნაშავე კი ნუკი კოშკელიშვილიაო. გიორგი მაკას ხუთი წელია იცნობს, აქედან სამი წელი ცოლ-ქმარი არიან. გიორგი მისი ოჯახის დანგრევაში ნუკის როლს უარყოფს და ამბობს, რომ ის და მაკა ხასიათით ვერ შეეწყვნენ. გიორგი მაკაზე თერთმეტი წლითაა უფროსი და ერთ-ერთ მიზეზად ამასაც ასახელებს. გიორგი დედისერთაა და თავს ეგოისტადაც თვლის, მაგრამ შვილმა შემცვალაო აღიარებს. თუმცა ალბათ არც იმდენად, რომ მის გარეშე შეძლო ცხოვრება.

ნუკიმაც სასტიკად უარყო საკუთარი წვლილი გიორგის ოჯახის დანგრევაში. ნუკი მის ცოლ-შვილს არ იცნობს, მხოლოდ სურათებში ჰყავს ნანახი. მიუხედავად მათი მეგობრობისა, ჭორების გამო თავი შეიკავა ამ ნაცნობობისგან.

ამ ჭორების გავრცელებიდან სულ მალე ნუკიმ შეყვარებულის სახელი გაამხილა. ოთო მარგოშვილი მისი დედის მეგობრის შვილია. ცოტა ეჭვს იწვევს, ოთო მართლა ნუკის შეყვარებული იყო თუ მეგობრულად მიეხმარა ჭორების აცილებაში? ისინი მალე დაშორდნენ. იმასაც ამბობდნენ, რომ ნუკი შეყვარებულს ნინა წკრიალაშვილის გამო დაშორდაო. ნინა წკრიალაშვილი ნუკის შეყვარებულისგან ბავშვს ელოდებაო. ასე რომ ყოფილიყო, აქამდე გავიგებდით. თანაც ნუკი ვიღაც მესამეს სასტიკად გამორიცხავს. იქნებ იმიტომ, რომ მათი შეყვარებულობა თავიდანვე ფარსი იყო?!

გიორგი დილას თავის სახლთან-პეროვსკაიას ქუჩაზე ძაღლის სეირნობით იწყებს. მე კი ვუსურვებდი, რომ ძაღლის ნაცვლად პატარა ნიკოლოზი ასეირნოს.

ნუკის კი საკუთარი ცხოვრების წარმატებით აწყობას ვუსურვებ.