ინგრედიენტები:

200გრ კარაქი

150გრ შაქარი

ერთი ლიმნის ცედრა

4 კვერცხი

1 ჩაის კოვზი კონიაკი

200გრ ფქვილი (+გასაფხვიერებელი)

მომზადების წესი:

200გრ კარაქი და 150გრ შაქარი ათქვიფეთ კარაქის გათეთრებამდე. სასურველია შაქარი კარგად გაიხსნას.

თითო-თითოდ დაუმატეთ 4 კვერცხი. თითოეული კვერცხის დამატების შემდეგ კარგად ათქვიფეთ ცომი.

ჩაყარეთ ერთი ლიმნის ცედრა, დაუმატეთ ერთი ჩაის კოვზი კონიაკი და 200გრ ფქვილი-პარალელურად მიქსერის დაბალი სიჩქარით ათქვიფეთ მასა.

ფქვილი მცირე პორციებით დაუმატეთ.

ფორმა საცხობი ქაღალდით ამოფინეთ ან წაუსვით ცხიმი და ფქვილი მოაყარეთ. გადაიტანეთ ცომი და გადაასწორეთ ზედაპირი.

გამოაცხვეთ კექსი 180 გრადუსზე 40 წუთი. მზადყოფნა ხის ჯოხით შეამოწმეთ.

გემრიელად მიირთვით!