ჩინელ ქალბატონს საკუთარი შვილი 21 წელიწადია ჯაჭვით ჰყავს დაბმული. ჰონგ ჩუნლინი 21 წელიწადია ერთ ოთახში ცხოვრობს, იგი ძირითადად მწოლიარე მდგომარეობაშია და ძალიან უჭირს სიარული. როგორც მამაკაცის დედა ირწმუნება, მისი ვაჟი ფსიქიურად დაავადებულია და ძალიან საშიშია. სწორედ ამიტომ გადაწყვიტა მან შვილის დაბმა. ასე დარწმუნებულია, რომ ჰონგი ზიანს არავის მიაყენებს. როგორც დედამისი ამბობს, მის შვილს ფსიქიკური პრობლემები პატარაობიდანვე დაეწყო. ჰონგ ჩუნლინი ახლა 37 წლისაა. მისი ფსიქიკური პრობლემები გართულდა მაშინ, როდესაც რომანი ჰქონდა გოგოსთან 15-16 წლის ასაკში. როგორც მისმა 71 წლის დედამ ჩინ ჯიუფამგმა განაცხადა, მას გარეთ იმიტომ ვერ უშვებს რომ სახიფათოა, ადამიანებს ვეღარ იტანს და შეიძლება სავალალოდ დასრულდეს მისი გარეთ გაშვება, ამიტომ ჰყავს სახლში დაბმული. როდესაც დაბმულია წყნარად არის, მაგრამ თუ მისმა დედამ ან სხვა ოჯახის წევრმა წითელი კაბა ჩაიცვა, საშინელი რეაგირება აქვს. მის შეყვარებულს როდესაც დაშორდა წითელი კაბა ეცვა. მათი თქმით ისინი არიან უბრალო ფერმერები და მათ არ შეუძლიათ ჰონგ ჩუნლინის მკურნალობა. იგი შეწუხებულია იმის გამო, რომ დაბმული ყავს შვილი, მაგრამ თუ ასე არ მოიქცევა უარესი დაემართება მასაც და მის ოჯახსაც. მისი მეზობლების განცხადებით, ჩუნლინი მუდამ აგრესიული იყო, ყველას აგინებდა და ეჩხუბებოდა.