ნატოს საპარლამენტო ასამბლეამ გუშინ მიიღო ოთხპუნქტიანი რეზოლუცია საქართელოს შესახებ, სადაც შეშფოთებაა გამოხატული საზოგადოებრივ მაუწყებელზე განხორციელებული ზეწოლისა და პოლიტიკური დაპატიმრებების გამო. ნატოს გენერალურმა მდივანმა ანდრეს ფოგ რასმუსენმა გააკეთა პოლიტიკური განცხადებებიც და შეფარვით გააკრიტიკა საქართველოს მთავრობის ქმედებები. ქართული ოცნების წევრების განცხადებით ამ ტიპის განცხადებები საქართველოს შიდა საქმეებში ჩარევაა.

საზოგადოების უმრავლესობა ეთანხმება ბაჩო ახალაიას სამართლიანად გასამართლებას, დანაშაული თუ ვინმემ ჩაიდინა ის აუცილებლად უნდა დაისაჯოს, მნიშვნელობა არ აქვს თუ რა თანამდებობა ეკავა მას ადრე. რაც შეეხება საზოგადოებრივ მაუწყებელს, სამართლებრივად მისი შემოწმების სრული უფლება ჰქონდა შესაბამის სამსახურებს.

ჩნდება კითხვა საიდან ჰქონდათ ნატოში ეს დეზინფორმაცია და ვის აწყობდა ყოველივე ეს? პასუხი მარტივია, "ნაციონალური მოძრაობა" და ამას ისინი სულაც არ მალავენ, საქართველოს რეპუტაცია დაუფარავად შელახეს, რითაც დაზარალდა ქართველი ხალხის ინტერესები ნატოში ინტეგრაციასთან დაკავშირებით. ამ პოლიტიკურ ბრძოლას ისევ ქართველი ხალხისა და სახელმწიფოსთვის მოაქვს ზიანი.