ამერიკულმა სარეკლამო სააგენტო jwt-მ ზრდასრულ ამერიკელებს შორის გამოკითხვა მოაწყო, როგორ შეცვალა ინტერნეტმა მათი ცხოვრება. გამოკითხულთა 28 პროცენტმა განაცხადა, რომ მეგობრებთან ურთიერთობას ქსელში მუდმივად ძრომიალი ურჩევნია, ხოლო 20 პროცენტი "გამოტყდა", რომ ინტერნეტის გამო ხანდახან სექსზეც ამბობს უარს. თუ გავითვალისწინებთ, რომ გამოკითხვაში სხვადასხვა შტატის მკვიდრი ათასობით ამერიკელი მონაწილეობდა, არცთუ სახარბიელო სურათი იკვეთება.

15 პროცენტი აცხადებს, რომ ინტერნეტის გარეშე ერთ დღესაც ვერ გაძლებს, 21 პროცენტი მხოლოდ სამი დღე შეიკავებდა თავს, 19 პროცენტი კი აღიარებს, რომ ინტერნეტ-მოგზაურობას ხუთ დღეში ერთხელაც იმყოფინებდა.