ნოემბრის თვეში, ზოდიაქოს ყველაზე საკრალური, რადიკალიზმით გამორჩეული და ძლიერი ზოდიაქოს ნიშანი მორიელი იმყოფება თავისი მმართველობის ზენტში. აქედან გამომდინარე, მორიელის რადიკალიზმს თუ გავითვალისწინებთ ნოემბერი საკმაოდ რთული, სკანდალებით სავსე და ექსტრემალური მოვლენებით დატვირთული იქნება. როგორც ვიცით, პლანეტა სატურნი (ერთერთი დამსჯელი პლანეტა) ჯერ კიდევ 6 ოქტომბერს გადავიდა მორიელის ზოდიაქოში. ამას გარდა უკვე 12-13 ნოემბერს მოსალოდნელია მზის ტოტალური დაბნელება იგივე მორიელის ზოდიაქოში. რაც გამოიწვევს ბევრი, დიდ ხნის გასაიდუმლოებული და ვითომ "დავიწყდებული" შავბნელი საიდუმლოებების გამოაშკარავებას. მოემზადეთ, არაერთი აქამდე გაუხსნელი საქმე, იდუმალებით მოცული ამბავი და სამარცხვინო საიდუმლოება გამოფინება სწორედ ამ პერიოდში დღის სინათლეზე, საზოგადოების ყურადღების მისაქცევად. ფარდა აეხდება წლების წინ დაფარულ საიდუმლოებებს. სატურნი, ძალზე მკაცრი მასწავლებელია და დრო დადგა "საშემოდგომოდ წიწილები დავითვალოთ". ამას გარდა, უკვე 28 ნოემბერს მთვარის დაბნელება ტყუპის ზოდიაქოში, მოიტანს მრავლობით სიტყვიერ თუ კომუნიკაციის სფეროში გააქტიურებულ სკანდალებს, გარჩევებს, კომპრომატების ომს და ა.შ. შეიძლება ითქვას ეს იქნება არანაკლებ გამორჩეული თვე ვიდრე ოქტომბერი, რადგან ნოემბერში დუღილს ტემპერატურა პიკს მიაღწევს როგორც პოლიტიკური, ისე პირადი ურთიერთობების თვალსაზრისით. შესაბამისად განურჩევლად ზოდიაქოს ნიშნისა, იყავით ფრთხილად! გააკონტროლეთ თქვენი სიტყვები (რადგან ტყუპის გავლენით სწორედ სიტყვის ძალით შეიძელბა ამ პერიოდში მძაფრი და ხანგრძლივი კონფლიქტების წარმოშობა), ასევე გააკონტროლეთ თქვენი სიფიცხე და ემოციები რასაც მორიელის გავლენა მეტ სიმძაფრეს უმატებს.